وانا صغيره كنت بحس انك لما تكون حساس دي حاجه جميله وكنت ببقي مبسوطه ان الناس بتقول عليا حساسه مع ان شكلي كان موصل لبعض الناس القريبين مني زي جارتي وكام حد من عيلتي اني البنت القويه المفتريه اللي بتعرف تاخد حقها بدراعها وتزعق وترد ودايما كان بيتقال لماما لأ هاله ميتخافش عليها اكيد بتعرف تاخد حقها "من فكره ان الجسم المليان صحه ميعرفوش ان ماما بتحسس عليا عشات عضمي بيتكسر من الهوا" المهم كل ما اكبر بحس اد ايه كونك حساس دي حاجه متعبه وصعبه اوي بجد يعني حساس في شكلك في كلامك في علاقاتك بالناس كل كلمه بضايقك بشكل ما حتى لو كانت هزار كلام الناس تحس انه بيخبط فيك . الكائن الحساس دا بيبقي عامل زي اللعبه اللي كنا بنلعبها زمان (صحابك وقفين طبور علي الجانبين وانت معدي من النص ويضربوك علي قفاك ولا المخبرين) هو دا شكل الانسان الحساس في الدنيا تلاقيه واقف وكلام يخبط فيه نظره تتهبد عليه تصرفات ملهاش لازمه تحصله . اليومين دول بسبب الفرح دا ( الافراح بقت بالنسبالي موسم النكد اصلا ) نفسيتي تعبانه بقالي يومين عند ارق غالبا من كتر التفكير واني بحاول اقنع نفسي اني كويسه والناس شيفاني كويسه وهما مش مضطرين يبينولي غير كدا . الحياه عندي في فتره حساسه اوي اوي تقريبا بعيد تفكير في كل حاجه بمعني كل حاجه لما حاسه اني خلاص نفسي انام من غير ما افكر وانكد علي نفسي . كل محاول اعمل حاجه تبوظ لما اكتب حاجه متعجبش اللي يقراها هو انا بيبقى برده مبسوطه باللي كتبته بس هو موصلش لحد غيري فبحس ان فيه حاجه مش متصدقه او اني بتحايل على الموقف مش اكتر .. يارب والنبي يارب اللي انا فيه دا يخلص وافوق انا نفسي انام اوي نفسي مفكرش خالص نفسي ارجع احلم زي زمان نفسي يارب احب نفسي والنبي يارب حببني فنفسي يارب وخليني اشوفني زي ما اللي بحبهم شيفني يارب !
