"عاوزة اشوف هاله مش انعكاس هاله"
في الحقيقة الجملة دي تعباني من ساعة ما قولتيهالي مش عارفه هل لانها واقعيه زيادة عن اللزوم ولا لاني مبحبش اكون fake مبحبش اكون انعكاس ! هو انا تقريبا من كتر مانا بحاول اكون واقعيه ومش انعكاس بقيت حاسه اني مبالغ فيا جدا وان أدائي fake أوي. الفكرة اني مش عاوزة أكتشف بعد فترة اني بقيت حد تاني ! مش عاوزة اعيش عيشة حد تاني. انا عاوزة اكون أنا وارتاح كدا بدون زيادات ملهاش لازمه. أنا مقتنعه انه على أد مالتفكير مرهق وممكن يؤدي لإكتئاب عظيم ! بس يمكن نوصل لحل مع بعض يعني ونرتاح بطريقة ما.
عارفه انا مبقتش قادرة اعيش في حاجه انا مش لاقيه نفسي فيها ، يعني مش قادرة ابين او أمثل اني فظيعه بقى اني عايشه ومسيطره انا مش مسيطره خالص على فكرة.
انا اتحطيت في قالب مش بتاعي طول عمري ومش عارفه اخرج منه ، انا نفسى اكون عفويه انا جوايا حد مش باين يمكن انتي الوحيدة اللي بتقدري تشوفيه لاني عوزاكي تشوفيه ، بس الحد دا بيرهقني جدا وانا مع الناس كلها عشان كدا لو تلاحظي وانا معاكي ببقى حاسه اني طفله ! ودي حاجه انا خفياها عن الناس ، معرفش ليه ومعرفش دا صح ولا غلط اصلا يعني هل الناس فعلا وحشين ومينفعش ابقى عفوية وعيله قدامهم ولا انا اللي مكبره ومعقده الدنيا مش عارفه حقيقي ! بس عارفه انا مبحبش اشوف ردود افعال تضايقني لان دايما اللي حواليا ماعدا انتي فعليا مش على نفس تفكيري يعني مثلا كلهم او اغلبهم مش بيشوفوا الحاجات شبهنا كلهم جد اوي واقعين اوي مش بيتخيلوا دايما حاسين اني عايشه في عالم تاني ومش واقعيه ! هو ليه دايما في صفات معينه بتبقى صح عند الناس وصفات لا مع ان الموضوع عامل زي البيض والسمر هما الاتنين حلوين وكويسين وخلقة ربنا ومينفعش نقارن بينهم ، يعني ليه لازم اكون واقعيه وعمليه طب مانا ممكن اكون خياليه وحالمه وحساسه وعادي اكون صح برده مش وحشه يعني !
الفكرة كلها اني من وانا صغيره تحديدا في فترة المراهقه اتكون عندي تفكير مش حلو عن الناس بقيت بحس اني عدائيه جدا مع اني مبانش كدا ، بس يعني انا لسه بقولك نفسي اجري ، تخيلي لو فعلا جريت فالشارع ينهار تريقه وضحك ! عارفه انك هتقوليلي ملكيش دعوة برد فعل الناس او كلامهم بس هي دي بالظبط المشكلة اني مش عارفه انا مبحبش اسمع كلام من قبيل انتي لازم تثقي في نفسك ولازم تعملي اللي انتي عوزاه من غير ما تركزي وكدا.
عارفه انا نفسي اكون ضعيفه وعادي يعني ابقى محتاجه حاجه اقولها متكسفش او احس اني لا مينفعش ابان قدام حد كدا لانهم شايفني من وانا صغيره جد وقويه ومليش في الكلام دا. اممممم مش عارفه هو انا عموما بحب اتكلم معاكي وبرتاح جدا حتى لو كلام متعاد وحتى لو انا مبنفذش حاجه بس برتاح. عارفه انا مثلا اكتشفت ان الكتابه مرتبطه في دماغي بالحزن او بالتنميه البشريه وفي الحالتين انا مش عاوزاها كدا فعشان كدا بهرب من الكتابه عشان متخلنيش مضايقه ! عارفه كمان انا عندي مشكله فظيعه اني لو كتبت حاجه في مود معين مثلا حزايني شويه وتاني يوم كنت مبسوطه شويه "طبيعي يعني" بحس اني عاوزة امسح اللي كتابته وافضل اقول لنفسي ايه دا انتي ازاي كاتبه الهبل دا ! مش عارفه بقى اتمنى انك تردي عليا فالموضوع دا يمكن ارتاح او اوصل لقناعه تريحني بخصوص الكتابه لاني بدأت اقتنع اني لازم اكتب عشان منفجرش.
دُمتي لي سندا وراحه <3
ليست هناك تعليقات:
إرسال تعليق